فاروق عبداللہ اور عمر عبداللہ نے سوشل میڈیا پر مکہ پہونچے

سرینگر: جموں و کشمیر کے سابق وزرائے اعلیٰ فاروق عبداللہ اور عمر عبداللہ عمرہ نے سوشل میڈیا پر کعبۃ اللہ کے ساتھ اپنی تصویریں شیئر کی ہیں۔ گزشتہ24 جنوری کو جب وہ عمرہ کے لیے روانہ ہوئے تھے تو انہوں نے ہوائی جہاز میں بیٹھے ہوئے تصویر شیئر کی تھی۔ اب جو تصویریں سامنے آئی ہیں ان میں وہ کعبہ کو چھوتے ہوئے اور سر منڈائے ہوئے بھی دکھائی دے رہے ہیں۔
عمرہ پر روانہ ہونے کے بعد شیئر کی گئی تصویر کے ساتھ عمر عبداللہ نے لکھا تھا ’’اے اللہ ہم عمرہ کا ارادہ رکھتے ہیں، اسے ہمارے لیے آسان فرما اور قبول فرما۔‘‘ اس تصویر میں عمر عبداللہ اور ان کے والد فاروق عبداللہ احرام پہنے ہوائی جہاز میں بیٹھے نظر آئے تھے۔ فاروق عبداللہ اور عمر عبداللہ نے یہ عمرہ عام انتخابات سے عین قبل ایسے وقت میں کیا ہے جب محض 2 روز قبل ہی ایودھیا میں پران پرتشٹھا کے حوالے سے مذہب کی بنیاد پر پورے ملک کو پولرائز کرنے کی کوشش کی گئی تھی۔ جموں و کشمیر کے دونوں سابق وزرائے اعلیٰ نے اس موقع پر اللہ سے عمرہ کی قبولیت کی دعائیں بھی مانگیں۔