ریاض: عمرے کےویزے پر بھیک مانگنے سعودی عرب جانے والی پاکستانی فیملی کے 16 افراد کو آف لوڈ کر کے گرفتار کر لیا گیا۔وفاقی تحقیقاتی ادارے(ایف آئی اے) کے ڈائریکٹر خالد انیس کے حوالے سے جیو نیوز نے اپنی رپورٹ میں بتایا کہ ملتان(پاکستان) سے عمرے کے ویزے پر سعودی عرب جانے والی ایک فیملی سے شک کی بنیاد پر پوچھ گچھ کی گئی تو دوران تفتیش انکشاف ہوا کہ پوری فیملی بھیک مانگنے کیلئے سعودی عرب جارہی تھی۔ دوران تفتیش فیملی نے بتایا کہ تین ایجنٹوں نے سعودی عرب میں ہماری رہائش کے انتظامات کیے تھے، بھیک میں ملنے والی آدھی رقم ہم نے ایجنٹوں کو دینی تھی۔ڈائریکٹر ایف آئی اے خالد انیس کا کہنا ہے کہ 11 خواتین، 5 مردوں اور ایک بچے کو حراست میں لیا گیا ہے، متعلقہ فیملی کے تمام افراد کے خلاف مقدمہ درج کر کے تحقیقات کا آغاز کر دیا گیا ہے۔
بھیک مانگنے سعودی عرب پہونچی 16رکنی پاکستانی فیملی گرفتار
تین ایجنٹوں نےعمرے کےویزے پر بھیک مانگنے کے لئے بھیجا تھا ۔آدھی رقم ایجنٹوں کو ملنی تھی
